بحبك ..يعني ..

..بحبك..




يعنى حلم عمرى لاقيته فيك..انت اللى كنت بدور عليه من زمااان


يعنى نورت حياتى ورجعتلى من تانى بسمتى الغايبة عنى


يعنى ربنا جمعنا من غير ميعاد واللى ربنا يجمعه مفيش حاجة فى الدنيا تقدر تفرقه


يعنى عيزاك..حساك..محتجالك فى كل وقت



.. بحبك ..



يعنى انت انا..وانا انت


يعنى قدرنا نلتقى..وازاى اتقابلنا وازاى نفترق


يعنى انت الامل اللى اقدر اعيش علشانه لبكرة


يعنى بخاف توحشنى حتى وانت ف حضنى وقلبى بينده عليك ف كل دقة

.. بحبك ..



يعنى بسهر انا وقمرى نرسم ملامحك على كل نجمة من نجومك يا ليل


يعنى الامان هو لمسة من ايديك وحنان الدنيا كله بحسه ف نظرة من عينيك


يعنى مش مهم اللى فات ولا اللى جاى المهم انك معايا..المهم انك حبيبى


يعنى اوعى ف يوم اسمع منك كلمة فراق لانها النهاية..مش نهاية حبى لكن نهاية قلب عاشق

.. بحبك ..




يعنى لاقيت روحى التايهة عنى بعد طول غياب


يعنى اخترتك من وسط الكون بحاله علشان تكون حبيبى وتشاركنى احلامى


يعنى حبيت الحب علشانك..ماهو قلبى محسش بيه غير وياك


يعنى نفسى ابقى دايما احسن علشان ابقى حد يستاهلك بجد يبقى ليك يا ملاكى
.. بحبك ..


يعنى عمرى الضايع قبل منك لاقيته وانا بين ايديك


يعنى هتلاقينى دايما جنبك بهون عليم وامسح دمعك..رب يقدرنى واسعدك ف كل لحظة من عمرى


يعنى ضحكة من القلب مش بحسها غير وانا معاك..واحساس طير طليق بجناحاته ف سابع سما


يعنى بداريك ف عيونى عن كل البشر..مش عايزة غيرى يشوفك..خايفة يحبوك زى ما انا بموت فيك

.. بحبك ..


يعنى احلى هدية بعتهالى ربى من السما هى انت


يعنى انت اغلى الناس..وكل الناس..رب يخليك ليا


يعنى هتغير من ايه ومن مين!! هو انا عيونى بتشوف ف الدنيا غيرك


يعنى بسع صوتك بنسى الدنيا..اتكلم..كمان..محتاجة اسمعك..محتاجة لكل كلمة خارجة من شفايفك..محتاجة اسمع صوتك الحنين

.. بحبك ..


يعنى مش بحس بعمرى غير وانت جنبى..ما انا اتولدت على ايديك


يعنى فيك كل اللى حلمت بيه ورسمته ف يوم..الحمدلله..الحمدلله انك حبيبى


يعنى لما بشوفك مش عايزة حتى ارمش..مش عايزاك تغيب عنى ولو ثانية


يعنى شوق...لهفة...حنية...ضمة...حضن حنين...الى الابد




يعني . . . .

وإنني الآن....أقولها الي ......من أحببت...!!

إلي من عجزت أقلامي...أن توصف ما بداخلي تجاهه